Boiro cidadán

A Concellería de Deportes ven de aprobar a convocatoria 2008 de bolsas a deportistas boirenses

08/10/2008 16:44 Boiro, mércores día 8 de outubro de 2008. A Concellería de Deportes do Concello de Boiro que dirixe Dores Torrado Ares ven de aprobar a convocatoria 2008 de bolsas destinadas ós deportistas boirenses

Boiro, mércores día 8 de outubro de 2008. A Concellería de Deportes do Concello de Boiro que dirixe Dores Torrado Ares ven de aprobar a convocatoria 2008 de bolsas destinadas ós deportistas boirenses có obxectivo de continuar a súa labor de promoción e difusión do deporte base mediante o apoio ós deportistas locais para que podan progresar na práctica do deporte de competición, tanto en relación ó perfeccionamento técnico e a obtención de maior rendemento nas diferentes modalidades deportivas, como para posibilitar a súa participación en eventos deportivos, facilitando o seu acceso a unha preparación integral axeitada. Os deportistas que poden participar nesta convocatoria deben estar empadroados no Concello de Boiro ou levar vencellados a un club da localidade durante un mínimo de tres tempadas consecutivas, ter entre trece e vintecinco anos ata a data do 31 de decembro de 2008, dispor de licenza federativa nun club boirense en vigor desde a presente convocatoria e ter participado, na tempada precedente e/ou actual, en campionatos galegos, españois ou de nivel superior, ou ter sido convocado polas seleccións galegas e /ou españolas. A dotación que se destina, será dun mínimo de 6.000 € e un máximo de 8.000 €, que deberán ser asignados mediante unha comisión dun tribunal e aprobados en comisión de goberno local, que é o órgano competente para dita-lo acordo de adxudicación. No caso de que o número de demandantes supere ó de bolsas dispoñibles realizarase un proceso de selección en función do nivel de competición no que participen os/as deportistas, 1º Campionatos do mundo, 2º Campionatos de Europa, 3º Campionatos de España, 4º Campionatos de Galicia e/ou convocatorias coa selección galega ou española da modalidade deportiva. Están excluídos da presente convocatoria o financiamento de cursos para a obtención de títulos académicos. As solicitudes poden presentarse no Rexistro Xeral do Concello de Boiro ata o día 15 de outono de 2008. Deste xeito, a Concelleira de Deportes, Dores Torrado quere animar a todos os deportistas do noso concello que cumpran cós requirimentos para que realicen as solicitudes pois serviralles de gran axuda de cara a súa preparación e formación como deportistas. Para máis información, os/as interesados/as poden visitar a páxina oficial do Concello de Boiro, www.boiro.org ondea toparán na sección de deportes as bases das bolsas a deportistas 2008