Última charla dos Venres culturais II
Etnoarqueoloxía no Amazonas
Asociación de Veciños "Neixón" de Cespón
18/08/2008 15:31 Este venres,22 de agosto,vai ter lugar a última das charlas impartidas en Cespón por membros do grupo de arqueoloxía que traballa nos castros de Neixón.Na charla,que leva por título "Etnoarqueoloxía no Amazonas" o relator,Alfredo González Ruibal,da Universidade Complutense de Madrid,vai narrar a súa experiencia convivindo cunha tribu do Amazonas.
A charla vai ter lugar no Centro Social de Cespón,ás 21h.
O FAIADO 2
3ª XUNTANZA LITERARIA: "Barbanza na escrita de séculos pasados"
O Faiado
16/08/2008 16:28 Xuntanza literaria
Documental sobre D. Ramón Fernández Mato
Exposición: "Martínez López na memoria"
Programación durante a semana de festas
Actividades que organiza a asociación de veciños "Neixón"
Asociación de Veciños "Neixón" de Cespón
08/08/2008 16:31 Martes 12 e Mércores 13
Obradoiro de cerámica castrexa,impartida por membros do grupo de escavacións dos castros de Neixón,de 17 a 19h no Centro Social de Cespón. O martes está dirixida a menores de 16 anos e o mércores a maiores de 16.Actividade gratuíta.Prazas limitadas,polo que hai que inscribirse no teléfono da asociación:628378866
Xoves 14
Charla: "Proxecto de arte rupestre en Muros",impartida por Manoel A. Franco Fernández,do equipo arquelóxico dos castros de Neixón
É no Centro Social de Cespón,ás 21h.Entrada libre e gratuíta.
Domingo 17
Xogos Populares: a corda,carreiras de sacos,...
Vai ser ás 19h,no Campo de San Roque(Cespón).Participación libre e gratuíta.
Colabora: Concello de Boiro
Xornada adicada ós castros de Neixón
Fin de semana cultural en Cespón
Asociación de Veciños "Neixón" de Cespón
02/08/2008 11:01 O vindeiro venres 8 de agosto vai ter lugar,ás 21h,no Centro Social de Cespón acharla "Astures e asturianos" impartida por Carlos Marín Suárez,da Universidade Complutense de Madrid.
O sábado 9 de agosto,víspora da romería de Neixón,terán lugar dúas actividades especiais:
visita guiada ás excavacións realizadas esta campaña no Castro Pequeno,ás 10h,dende o Centro Arqueolóxico
proxección do documental "Neixón:historia viva dun castro" no Centro Social de Cespón,ás 12h
Cuarta charla dos venres culturais en Cespón
Arqueoloxía nas Terras Baixas do Uruguai
Asociación de Veciños "Neixón" de Cespón
28/07/2008 22:17 Este venres,1 de agosto,ás 21h vai ter lugar unha nova charla sobre arqueoloxía no Centro social de Cespón.Neste caso vai estar impartida por Juan Dabezeis,integrante do equipo galego-uruguaio que estudou os monumentos megalíticos dese pais equivalentes ás nosas mámoas.Durante a charla vanse proxectar dous pequenos documentais sobre o tema.
Arqueoloxía e folklore: o Pico Sacro
Charla cultural no Centro Social de Cespón
Asociación de Veciños "Neixón" de Cespón
19/07/2008 13:46 Nesta ocasión,a idea sería falar dun lugar como o Pico Sacro,na comarca de Santiago onde hai unha gran cantide de lendas e tradicións para que logo os veciños de Cespón conten aquelas que lle aprenderon os seus pais, avós... A imaxe mostra ós devotos pasando un ramo polo San sebastián o 20 de xaneiro no cumio do monte. A xente despois pasa os ramos polas súas pernas para curar as enfermidades de osos, reúmas...
A charla vai ter lugar o próximo xoves 24 de xullo ás 21h,no Centro Social de Cespón.Será a terceira das charlas pertencentes ó ciclo Venres culturais II e vai estar impartida por Leonardo González,da empresa Alicerce S.L.De forma excepcional organízase en xoves debido á festividade de Santiago Apóstol do venres 25.
Remataron os festexos do Carme no Cabo da Cruz
Festas do Carme 2008.
Asociación "Festas do Carme do Cabo da Cruz"
18/07/2008 18:11 O día 16 de xullo ben entrada a madrugada deronse por rematadas todas as actividades dos Festexos do Carme no Cabo de Cruz.
Dende o seu comezo coas actividades durante os días 1 e 13 de xullo ata os días das verbenas 15 e 16 de xullo debemos dicir que estamos contentos do éxito acadado pois apesares de que as verbenas se celebraron durante a semana e a xente tiña que traballar, a afluencia de público foi increible pois milleiros de persoas se achegaron o noso pobo para pasalo ben con nós.
Non cabe duda que o día de maior afluencia foi na noite do día 15 de xullo pois ata entrada a maña quedaba xente no campo da festa disfrutando sen facer máis que iso pasalo ben, e como non tamén o día 16 durante a procesión se rexistrou unha masiva afluencia de visitantes.
A UNIÓN CELEBRARÁ EN XULLO A ASEMBLEA XERAL ORDINARIA PARA OS SEUS SOCIOS.
Asemblea Xeral Ordinaria da Asociación de Veciños A UNIÓN.
"A Unión" de Santa María do Castro
18/07/2008 15:57 Estimado/a Socio/a:
Pola presente convocamos ASEMBLEA XERAL ORDINARIA, que terá lugar o vindeiro sábado 19 de Xullo de 2008 ás 20:00 horas no local de AMB (AMEBARRAÑA).
- Lectura e aprobación, se procede, da Acta Anterior.
- Demisión da Vicepresidenta Mª del Carmen Hermo Torrado, e elección de substituto/a.
- Presentación das contas do ano 2007.
- Últimas xestións realizadas.
- Rogos e Preguntas.
Contamos coa súa asistencia.
Hoxe dan comezo as Festas do Carme no Cabo da Cruz.
O Carme 2008 dunha pequena vila mariñeira.
Asociación "Festas do Carme do Cabo da Cruz"
15/07/2008 13:10 O Carme do Cabo da Cruz celebrase dende fai xa 44 anos de xeito continúo, ano tras ano saímos as rúas para acadar os fondos necesarios para que todos poidamos disfrutar das festas que na pequena vila mariñeira de Cabo de Cruz celébranse por todo o alto. Lembren que o pistoletazo de saída xa se deu o sábado cos partidos de fútbol en Valiño, e no domingo bailes tradicionais en Subuqueiro e campionato de bolos en Triñans. Hoxe dan comezo as verbenas que esta noite haberá grandes orquestras e maña día da Patroa dos Mariñeiros será o día grande no que milleiros de persoas se achegarán ata o noso pobo para acudir a xa tradicional Procesión Marítima na que todas as embarcacións saen o mar engalanadas escoltando a súa Virxe do Carme e que culmina cunha ofrenda floral na honra de todos os mariñeiros falecidos. Vótenlle unha ollada a nosa axenda e poderán ver que grandes orquestras nos acompañaran hoxe e maña para que todos bailemos o son da música.
Xogos populares e charla cultural en Cespón
Propostas da Asociación de veciños "Neixón" para o día de san Bieito
Asociación de Veciños "Neixón" de Cespón
05/07/2008 13:17 O día 11 de xullo,festividade de san Bieito,van ter lugar no Campo de San Roque da parroquia de Cespón uns xogos populares organizados pola A.V.V. "Neixón".A actividade empezará ás 19h e constará de xogos tradicionais:a corda,o pano,carreiras de sacos,..xunto con outros mais orixinais:carreiras de tartarugas,xogos con auga,...dirixidos a nenos e adultos da parroquia con ganas de pasar un bo rato.Os gañadores dos distintos xogos obterán agasallos.
Ese mesmo día,ás 21h,terá lugar no Centro Social de Cespón a primeira das charlas da segunda tempada dos Venres Culturais.A charla,impartida por Xurxo Ayán,do equipo arqueolóxico dos castros de Neixón leva por título:
Neixón 1925:a prol da recuperación da memoria histórica da Arqueoloxía galega.